December 2007
Monthly Archive
Mon 31 Dec 2007
Posted by Rahul under
Hindi Shayari Comments Off
Tere badan se chura ker mehak hawa degi,
Zakhm ko rang hara shokhi-e-saba degi.
Mujhe yaqeen hai jab mera tazkara ho ga,
Woh kuch kahe na kahe aankh muskura degi.
Mera her sher teri yaadon se aashna yun hai,
Meri her ghazal mere dard ka pata degi.
Main kuch kahon na kahon lab se magar yeh meri ghazal,
Dua ko aik naya tarz-e-iltija degi.
Jo khud ko bashar kahe or dare bashar se hi,
Khuda ki gaibi madad saath us ka kia degi.
Tere khayal ki khushbu tere lafzon ki mehak,
Mujhe yeh darr hai ke shayar mujhe bana degi.
Main Tanhaa tha to nahi jurm-e-muhabbat se qabal,
Kya khabar thi ke woh tanhayee ki sazaa degi…!!!
Mon 31 Dec 2007
Posted by Rahul under
Hindi Shayari Comments Off
Mujhay aur kahin le chal sanwal
jahan raat kabhi b soi na ho
jahan subah kissi pe roi na ho
jahan hijer ne wehshat boi na ho
jahan koi kissi ki khoi na ho
Mujhay aur kahin le chal sanwal
jahan shaher hoon sare wairane
jahan loog sabhi hoon baigane
jahan sab k sab hoon dewane
jahan koi humain na pehchane
Mujhay aur kahin le chal sanwal
jahan nafrat dil mein bus na sake
jahan koi kissi ko dus na sake
jahan koi kissi pe huss na sake
jahan koi b gunjal kass na sake !
Mujhay aur kahin le chal sanwal
jahan dard kissi ko raas na ho
jahan koi b uddas na ho
jahan zulmat ki boo bass na ho
jahan too b ziada pass na ho
Mujhay aur kahin le chal sanwal
Mon 31 Dec 2007
Posted by Rahul under
Hindi Shayari Comments Off
Teri Yaad Nay Meray Dil Ko Saja Rakha Hai
Teray Pyar Main Sab Ko Bhula Rakha Hai
Kuch Acha Nahin Lagta Teri Judai Kay Baad
Ek Teri Yaad Ko Sinay Say Laga Rakha Hai
Tera Milna To Abb Aik Khawab Hi Lagta Hai
Najanay Abb Kyoon Dil Ko Bhula Rakha Hai
Tera Milna To Abb Aik Khawab Hi Lagta Hai
Najanay Abb Kyoon Dil Ko Bhula Rakha Hai
Muqadar Say Miltay Hain Bichar Kay Warna
Ajj Bhi Tera Naam Dil Main Saja Rakha Hai
Najanay Koi Nahin Basta Teray Siva Ankh Main
Aik Teri Tasveer Ko Dil Main Chupa Rakha Hai
Syed Bilal
Mon 31 Dec 2007
Posted by Rahul under
Hindi Ghazals Comments Off
Kisko maaluum kahaan kay hain kidhar kay ham hain,
Apnii marzii say kahaan apne safar kay ham hain,
Rukh havaaon kaa jidhar kaa hai udhar kay ham hain,
Pehle har chiiz thii apnii magar ab lagtaa hai,
Apne hii ghar mein kisii duusre ghar kay ham hain,
Waqt kay saath hai mittii kaa safar sadiyon tak,
Kisko maaluum kahaan kay hain kidhar kay ham hain,
Chalte rehte hain kay chalanaa hai musaafir kaa nasiib,
Sochte rehte hain kay kis raahaguzar kay ham hain,
Mon 31 Dec 2007
Posted by Rahul under
Hindi Ghazals Comments Off
Pehlay gairon mein bhii apnon kaa bharam hota thaa,
Ab tou apnay hai kay apnay nahi lagtay yaaro,
Pehlay gairon mein bhii apnon kaa bharam hota thaa,
Abb tou yaaron say bhii milnay kee koi aas nahin,
Pehlay tou dushman say bhii milnay kaa dharam hota thaa,
shayari compiled by,
jass_cancerian
Sun 23 Dec 2007
Posted by Rahul under
Hindi Ghazals Comments Off
ho kar begaane bhee kyon apne se lagte ho
ho itni duir phir bhee kyon kareeb lagte ho
chhor denge teri yaadon ko kahin duir
ris ris kar roj yuin tadpaate kyon ho
dil kei jharokhon mei ik tasveer hai teri
dhoondhli he sahi phir bhee aankho mei baste kyon ho
koi chhere jo jikar tera to honth farfarate hain
aah nikle na kahin bas aansoo ban dhalte kyon ho
mudatt se nahi hui koi baat to kaya
sapno mei aksar baatein karte kyon ho
Sat 22 Dec 2007
Posted by Rahul under
Sher Shayari 1 Comment
Aaj ki raat badi tanha hai;
beqarari na jane kyun bewajaha hai.
koi wada nahi aur koi ummid nahi;
aur darwaza khula humane aaj rakkha hai.
bhool jane ko sab kuchh bhool gaye;
ek chehra hai jo yadon mein basa rakkha hai.
zindagi aise bhi andaz se jee lete hain;
dard seene mein; tabassum se khila chehra hai.
aap ko aaj tak maaloom nahin ho shayad;
dil-e-”shamim” tere bagair jaise sehra hai.
« Previous Page — Next Page »
