Hindi Shayari – Dil Ki Baat, Shayari Ke Saath!

Shayari likhnewale shayar to bahut hain
shayri sunnewalon ki kami hain
use khuda maaf kare uska insaaf kare
jisne bhi yeh 29 chori ki shayari likhi hain
kyonki 30th original shayri likhanewale hamhi hain

dil kaa kyaa hai vo to chaahegaa musal_sal milnaa
vo sitam_gar bhii magar soche kisii pal milnaa

vaaN nahiin vaqt to ham bhii hain adiim-ul-fursat
us se kyaa kahiye jo har roz kahe,,, kal milnaa
————————————————

dil ko us raah pe chalna hi nahi
jo mujhe tujh se juda karti hai

zindagi meri thee lekin ab to
tere kehne mai raha karti hai
————————————————-

ujre hue loagon se gurezaan na hua kar
haalaat ki qabron pe ye qatbe bhi parha kar.

har waqt ka hansna tujhe barbaad na kar de
tanhaaee ke lamhon mai kabhi ro bhi liya kar,

ae dil tujhe dushman ki bhi pehchan kahan hai.
too halqa e yaaran mai bhi mohtaat raha kar.

us shakhs ke tum se bhi marasim hain to hoonge
woh jhoot na bole ga mere saamne aa kar.

ab thookre khaye ga kahan ae game ahbaab
main to kaha tha mere dil mai hi raha kar.

is shab ke muqaddar main seher hi nahi Mohsin
dekha hai kayee baar chiragon ko bujha kar
———————————————

na vo aankh hi teri aankh thee
na vo khuaab hi tera khuaab tha
dil e muntazir to yeh kis liye
tera jaagna usse bhool jaa
———————————————

INKISHAAF

na vaada hai koi tum se koi rishta nibhane ka

na koi aur hi dil mai tahayya ya iraada hai

kaii din se magar dil mai

ajab uljhan si rehti hai

ni tum is daastan k sarsari kirdaar ho koi

na kissa itna saada hai

taaluk jo mai samjha tha

kaheen us se ziyada hai
———————————————–

zehar aalood sahi lab pe tabbasum to saja
kuch bicharne k bhi aadaab hua karte hain
——————————————-

jala vo aag mohabbat ki mere seene mai
khayyal gair ka aaye to khaak ho jaaye
——————————————–

khulaa yeh aaj k hum aag hain jahanam ki
charragh hote to shub bhar main jal gaye hote
———————————————-

na koi gham hai na taqdeer mai judaaye hai
hamare pyaar ki sadion se aashnaaye hai
meri nazar mai azal se qayaam hai tera
LIKHA HUA MERE CHEHRE PE NAAM HIA TERA
_________________

har aik shab meri taaza azaab mai guzri
tumhaare baad tumhaare hi khwab mai guzri
mai aik phool hoon too mujh ko rakh k bhool gaya
tamam umr tumhari kitaab mai guzri
_________________

aarazuu hai vafaa kare koi
jii na chaahe to kyaa kare koi

tum saraapaa ho suurat-e-tasveer
tum se phir baat kyaa kare koi
———————

suu-e-maikadaa na jaate to kuchh aur baat hotii
wo nigaah se pilaate to kuchh aur baat hotii

go havaa-e-gulasitaaN ne mere dil kii laaj rakh lii
wo naqaab Khud uThaate to kuchh aur baat hotii

ye bajaa kalii ne khil kar kiyaa gulasitaaN muattar
magar aap muskuraate to kuchh aur baat hotii

ye khule khule se gesuu, inhen laakh tuu saNwaare
mere haath se saNwarate, to kuchh aur baat hotii

go haram ke raaste se vo pahuNch gaye Khudaa tak
terii raahaguzar se jaate to kuchh aur baat hotii
_________________

sulook nishtaron jaisa na kijye hum se.
hamesha aap ko hum ne Gulaab likha hai
_________________

haal-e-dil main ne jo duniyaa ko sunanaa chahaa
mujh ko har shaKhs ne dil apnaa dikhanaa chahaa

apanii tasviir banaane ke liye duniyaa mein
main ne har rang pe ik rang charhanaa chahaa

Khaak-e-dil jauhar-e-aainaa ke kaam aa hii gaee
laakh duniyaa ne nigaahon se giranaa chahaa

sholaa-e-barq se gulashan ko bachaane ke liye
main ne har aag ko siine mein chhupanaa chahaa

apne aibon ko chhupaane ke liye duniyaa mein
main ne har shaKhs pe ilzaam laganaa chahaa

Gairat-e-mauj use phenk gaee saahil par
Doobne vaale ne jab shor machanaa chahaa
_________________

tere siva nahi jachta koi nigahoon mai
jo to kahe to bikhar jaaon teri raahon mai
nazar kaneez teri dil ghulaam hai tera
likha hua mere chehre pe naam hai tera.,
———————–

jaan-e-afasaanaa yahii kuchh bhii ho afasaane kaa naam
zindagii hai dil kii dharakan tez ho jaane kaa naam

qataraa qataraa zindagii ke zahar kaa piinaa hai Gam
aur Khushii hai do gharii pii kar bahak jaane kaa naam

intazaar-e-fasl-e-gul mein kho chuke aaNkhon ka nuur
aur bahaar-e-baaG letii hi nahin aane kaa naam

taab-e-naakaamii nahiin to aarzuu karataa hai kyaa
aarazuu hai mauj ke saahil se Takraane kaa naam

Mana teri nazar mein tera pyaar hum nahi,
kaise kahen ki tere talabgaar hum nahi,

Khud ko jala ke khak kar dala, mita diya,
lo ab tumhari raah mein dewaar hum nahi,

Jis ko sanwara humne tamannaon ke khoon se,
gulshan mein us bahar ke haqdaar hum nahi,

Dhokha diya hai khud ko muhobbat ke naam se,
kaise kahen ki tere gunahgaar hum nahi…..

aaj ham bichhre hain to kitane rangiile ho gaye
merii aaNkhen surKh tere haath piile ho gaye

kab kii patthar ho chukii thii muntazir aaNkhen magar
chhuu ke dekhaa to,,,, mere haath giile ho gaye

chaaNdnii raat mein chaaNd ke saamne
ruKh se pardaa haTaanaa Gazab ho gayaa
chaaNdanii chhup ga_ii chaaNd sharmaa gayaa
aap kaa muskuraanaa Gazab ho gayaa

dil kii dharkan merii tez hone lagii
raat aaNkhon mein kaaNTen chubhone lagii
vasl kii raat mein baat hii baat mein
yuuN teraa ruuTh jaanaa Gazab ho gayaa

jhuum kar kaalii kaalii ghaTaa jab uThii
raat apanii to karavaT badlate kaTii
kuchh to mausam ne bechain rakkhaa hame.n
kuchh teraa yaad aanaa Gazab ho gayaa

apane hisse mein tuufaaN kii taqadiir thii
zindagii apanii maujon kii zanjiir thii
Duub jaane kaa apne hamen Gam na thaa
us kaa saahil pe aanaa Gazab ho gayaa

baadalon kaa kaafilaa aataa huaa achchhaa lagaa
pyaas kii dharatii ko har saavan baraa achchhaa lagaa

us bharii mahafil mein us kaa chand lamhon ke liye
mujh se milanaa baat karanaa dekhanaa achchhaa lagaa

jin kaa sach honaa kisii suurat se bhii mumkin na thaa
aisii aisii baaten aksar sochnaa achchhaa lagaa

vo to kyaa aataa magar Khush_fahamiyon ke saath saath
saarii saarii raat ham ko jaagnaa achchhaa lagaa

pahale pahale to nigaahon mein koii jachtaa na thaa
raftaa raftaa duusraa phir tiisraa achchhaa lagaa

apanii rusvaaii,,,, tere naam ka charchaa dekhuuN
ek zaraa sher kahuuN aur main kyaa kyaa dekhuuN

niind aa jaaye to kyaa mahafilen barpaa dekhuuN
aaNkh khul jaaye to tanhaaii kaa sehra dekhuuN

shaam bhii ho gaii dhundhlaa gaii aaNkhen bhii merii
bhoolne vaale main kab tak teraa rastaa dekhuuN

sab ziden us kii main puurii karuuN har baat sunuuN
ek bachche kii tarah se use haNstaa dekhuuN

mujh pe chhaa jaaye vo barasaat kii Khushbuu kii tarah
ang ang apnaa usii rut mein mehektaa dekhuuN

tuu merii tarah se yaktaa hai magar mere habib
jii men aataa hai koii aur bhii tujh saa dekhuuN

main ne jis lamhe ko puujaa hai use bas ek baar
Khvaab ban kar terii aaNkhon mein utartaa dekhuuN

tuu meraa kuchh nahiin lagtaa hai magar jaan-e-hayaat
jaane kyon tere liye dil ko dharaktaa dekhuuN