Hindi Shayari – Dil Ki Baat, Shayari Ke Saath!

Dil ko Dil se Churaya aapne…..
Door hote hue bhi rishta nibhaya aapne….
Kabhi Bhool nahi payenge hum aapko……
kyoki yaad rakhna hi sikhaya aapne…

Tumko jaante nahi, per chahate hain hum
Din bhar khojte nahi, per sochte hain hum

Tumhare dil mein rehte nahi, per tumhare hain hum
Tumko shayad paayenge nahi, per apnayen ge hum

Jeevan main shayad kabhi mil na paao,bas bichar jaao ge tum
Shayad humare na ban paao, per muskurao ge tum

Raat andheri hogi, phir-bhi jhilmilaoge tum
Humein aur koi nahi, bas yaad aao ge tum…

Pal pal tum yaad aate ho
Pal pal mujhe tadpa te ho
Pal pal mein jeeti hou
Lekin har pal, jeeker bhi marti hou

Tumhare bina taanhai ko raasta mila
Har muskaan is pe guzar kar chala gya
Subah ho shaam, sirf ek saval pooch te hou
Tumhare bina, mein kyou zinda ra hou

Chalte Chalte, khuda ke kasam
De ke pyaar ka vaasta, na juda honge hum
Is duniya mein tho nahi rahe hum sanam
Isi liye jab hum milenge
saath lenge dubara janam

Kyon khush ho jata hun main
tumhari khushi dekhke
kyon ho jaata hun main hataash
tumhein udaas dekhke

chahak sa uthta hun main kyon
jab milne ki baari aati hain
par kyon milne baad ghanto
neend nahi aati hain

aankhein band karne se kyon
yaad tumhari aati hain
par jab khulti hain toh
kyon phir tu samne aati hain

aanso tere tapakte hain
to main kyon sisakta hun
jara si tu hasti hain
toh main kyon nikharta hun

jab bhi dekhta hun tumhe
bas yeh sochta hun
pucho tumse ya tumse kahun
rakhun dil mein ye baat ya keh dun

sun jara bas itna bata
Main aisa kyon hun
Main aisa kyon hun…

Jagdish

Unhi ko dhoond rahi hai nigha- e -shouk meri,
jo ban ke ajnabi mehfil mein aaye baithe hai
nighaein neeche kiye sir jhukaye baithe hai,
yehi tou hai jo mera dil churaye baithe hai,
jo raaj chhup nahi sakta churaye baithe hai,
bade hasin tassavvur mein kho gayi hoon main,
ki jaise woh mere pehlu mein aaye baithe hai….

Bikhre armanoka sametna hai shayeri,
ya fasanoka bayan karna hai shayeri..

Kuch alfazonka mukaddar hai shayeri,
ya izhar mohobbat ka mukam hai shayeri..

Sabdon ko dhago mein pirona hai shayeri,
ya kore kagaz per bhavna sajana hai shayeri…

Alfazonse saji ek sundar murat hai shayeri,
ya jasbaton ko benakab karna hai shayeri…

Bepanah pyaar dikhana hai shayeri,
ya lage zakhomo ka marahum hai shayeri..

Jalti shama ke saath mehfil roshan karna hai shayeri,
ya shayronki ek pehchan hai shayeri.

Aankhein Khuli Hoh Toh Chehra Aapka Hoh,
Aankhein Bandh Hoh Toh Sapnaa Aapka Hoh,
Humey Maut Ka Na Darr Na Khauff Hoga,
Agar Kafan Ki Jagah Dupatta Aapka Hoh.

Pyaara Sa Ek Ehsaas Hain Aap,
Harr Pal Humhare Paas Hain Aap,
Jiney Ki Ek Aas Hain Aap,
Mann Ka Ek Vishwaas Hain Aap,
Shayad Ish Liye Kuch Khaas Hain Aap.

Humhara Harr Lamha Churaa Liya Aap ney,
Aankhon Koh Ek Chaand Dikha Diya Aap ney,
Humey Zindagii Toh Dii Kissi Aur ney,
Par Itna De Kar Jeena Sikha Diya Aap ney.

Usko chaha to bahut magar wo mila hi nahi
Lakh koshish ki magar faasla mita hi nahi

Usko zamane ne majboor is qadar kar diya
Ke meri kisi sada pe wo ruka hi nahi

Khuda se jholi phaila ke maanga tha usay
Khuda ne meri kisi dua ko suna hi nahi

Har aik se poocha sabab uske na milne ka
Har aik ne bataya ke wo mere liye bana hi nahi

Main tamaam umar ki koshish ke bawjood nakaam ho gaya
Aur wo usko mil gaya jis ne usay kabhi maanga hi nahi

Itni shiddat se chaha magar tu kisi aur ka ho gaya
Shayad is jahan mai wafa ka koi sila hi nahi….

-Unknown
Presented by Chandni Verma

Mere Wajood Ki Jageer Ussne Mangi Hai
Ajab Khawab Ki Tabeer Ussne Mangi Hai
Usski Qaid Me Rehti Hoon Mein Pehle Bhi
Naa Jaane Phir Kyun Zanjeer Uss Ne Mangi Hai
Guman Hota Hai Woh Bhool Sakta Hai Mujhe
Kyunke Aaj Meri Tasveer Ussne Mangi Hai
Mere Khuda Mujhe Usske Naseeb Me Likh De
Ke Mujh Se Meri Hi Taqdeer Ussne Mangi Hai.

Shayar:Parveen Shakir
Presented by Mrs Rubina Yasmeen

( Written By Mrs Rubina Yasmeen )

Chalo Yeh Maan Liya Ke Aankh Meri Namm Nahi
Gumaan Naa Kar Ke Mere Dil Me Koi Gham Nahi

Ussi Ko Khouf Hai Ki Manzilein Kathin Hai Bohut
Wafaa Ki Rah Pe Mera Jo Humqadam Bhi Nahi

Tumhe Guroor Hai Apni Sitamgiri Pe Agar
Aaye Dost Hounsla Jeene Ka Mujh Me Bhi Kamm Nahi

Suroor-E-Dil Bhi Wahi Hai Aziz-E-Jaan Bhi Wahi Hai
ke Darr-E-Zeesat Pe Ek Naam Jo Raqm Bhi Nahi

Ilm Jo Haq Ka Uthaya Hua Hai Mein Ne Abhi
Bahaal Saans Hai, Bazoo Mere Qalam Bhi Nahi

Hazar Gham Hain Magar Phir Jo Salamat Hoon
Toh Kis Tarah Se Keh Doun Tera Karam Bhi Nahi

Thanks Best Regards
Mrs Rubina Yasmeen