Hindi Shayari - Dil Ki Baat, Shayari Ke Saath! » Nazm

“Last Call” – A Nazm…

Rahul — Sun, 25 Apr 2010 15:30:08 +0000

“Last Call”

Kal hamesha ki tarah us nay kaha yeh phone per
mai bahut masroof hoon mujhko bahut say kaam hain
is liye tum ao milnay, mai tu asakti nahin
har riwayat tor kar is bar mainay kah diya
tum jo ho masroof tu mai bhi bahut masroof hoon
tum jo ho mashhoor tu mai bhi bahut maroof hoon
tum agar gamgin ho mai bhi bahut ranjore hoon
tum thakan say choor ho tu mai bhi thakan say choor hoon
jaan-e-man hai wakt mera bhi bahut hi keemti
kuch puranay doston nay milnay ana hai abhi
mai bhi ab faarigh nahi mujh ko bhi lakho kaam hain
warna kahnay ko tu sab lamhay tumharay naam hain
meri ankhain bhi bahut bojhal hain sauna hain mujhay
ratjagon kay baad ab neendon mai khona hai mujhay
mai lahu apni anao ka baha sakta nahin
tum nahin atin tu milnay asakta nahin
us ko yeh kah kay WASI mai receiver rakh diya
aur phir apni ana kay paon pay sar rakh diya

–Syed Wasi Shah

Contributed by Devraj Singh

Kaun aayega yahan?

mehak — Thu, 15 Apr 2010 15:10:08 +0000

Kaun aayega yahan?
Na koi aaya hoga..
Mera darwaja hawaon ne hilaya hoga
Dil-e-nadan na dhadak
Koi khat leke padosi ke ghar aaya hoga
Gul se lipti hui titali ko gira kar dekho
Aandhiyon tumne darakhto ko to giraya hoga
Aye sanam,pardes mei mat yaad karo apna makan
Abke barisho ne use tod giraya hoga…………..

Nice Nazam….

Rahul — Fri, 02 Apr 2010 13:43:24 +0000

Teri yaad nay

Teri yaad nay meray dil ko saja rakha hai
teray pyar main sab ko bhula rakha hai

kuch acha nahin legta teri judai kay baad
ek teri yaad ko sinay say laga rakha hai

tera milna to abb aik khawab hi lagta hai
najanay abb kyoon dil ko bhula rakha hai

sab kuch lut gaya hamara teray pyar main
teri yaad ko palkoon main chupa rakha hai

muqadar say miltay hain bichar kay warna
ajj bhi tera naam dil main saja rakha hai

najanay koi nahin basta teray siva ankh main
aik teri tasveer ko dil main chupa rakha hai ”

*«´¨`·.¸¸.*¤* IMRAN m3m0n *¤*.¸¸.·´¨`»*

Fir laut ke aaunga

Avinash Kundan — Wed, 20 Jan 2010 14:06:59 +0000

Har dard sahunga main, har jakham chhupa lunga
Main teri wafao ko sine se laga lunga
Yado ke jharokho se
Tu dur se dekha kar
Tu meri hakiqat ko
Tanhai mai socha kar
Tu jab bhi meri khatir
Kuchh dur chala hoga
Kya aag lagi hogi
Kya dil bhi jala hoga
Mera hi mukadar kyon
Ab pas nahi hota
Fir bhi mujhko kyon iska
Ehsas nahi hota
Ab chhod de duniya ko, aa dil ki panaho mai
Main tujhko utha lunga, Jajbat ki bahon mai
Tu pyar ke khwabo ko
Palko mai chhupaye rakh
Yado ko meri ab tu
Sine se lagaye rakh
Bite huye lamho ki
Fariyad sunaunga
Wapas teri duniya mai
Fir laut ke aaunga
Fir julf ke saye mai
Ye umar gujarunga
Main apne hi hatho se
Ab tujhko sawarunga
Ek pal ke liye ab main, Kabhi door na jaunga
Tere hushn ke saye mai, Main khud ko bichhaunga.

avinashkundan368@gmail.com
9910089467

Aaj mujhe mera pyar nazar aa gaya

kabir_shayar — Fri, 20 Nov 2009 15:05:29 +0000

Aaj mujhe apna pyar nazar aa gaya,
lagta hai ki sara jahan nazar aa gaya,
is qadar khushi nahi huyi thi aaj tak,
na jane kaisa aaj hamara andaz hi ho gaya…

neend hi nahi aa rahi yhi hame kal raat,
aapki tasweer dekhi na jana kab main so gaya ,
neend me bhi sata rahi thi bechaini hame,
khwab aapka aaya,bechaini ka naamonishan kho gaya……..

yaad aapki is qada aa rahi thi,
deedar aapka hua apki ankhon me kho gaya,
aa bhi jaao na satap iss qadar hame ,
kahin aisa na ho jab aap aao tokoi ye kahe aapse ,
aapka sachcha aashiq to abhi abhi janaze pe rawana ho gaya…………..

kabir_shayer@yahoo.com
kabir
9211544813……….

Nazam….

Rahul — Mon, 02 Nov 2009 13:53:18 +0000

Mari zindagi ka karar bhee tu
Mari her khushi ka izhar bhee tu

Mara bey-tehasha piyar bhee tu
Mari khuwaishoon ka dedar bhee tu

Mari ankhoon ka hai noor bhe tu
Mari zindagi ka saroor bhee tu

Maray ghum mein hai dhaal bhee tu
Maray her per waqt zehan-o-guman mein tu

Mari zindagi ka aarough bhee tu
Mari zindagi ka zawal bhee tu

Mari ashiqi ki sachi misal bhee tu
Mari zindagi ka husn-o-jamal bhee tu

Maray dil ka her aik khayal bhee tu
Mara wajood ka ____ hai ahsas bhee tu

*«´¨`·.¸¸.*¤* *¤*.¸¸.·´¨`»*
*«´¨`·.¸¸.*¤* IMRAN m3m0n *¤*.¸¸.·´¨`»*
*«´¨`·.¸¸.*¤*master_of_java_no1@…*¤*.¸¸.·´¨`»*
*«´¨`·.¸¸.*¤* *¤*.¸¸.·´¨`»*

Here’s A Nazm On New’ Years Occassion

Rahul — Sun, 01 Nov 2009 07:44:58 +0000

Ae Naye Saal Bata Tujh Mein Niya Kia Hai?
Har Taraf Khalq Nay Kiun Shor Macha Rakha Hai

Roshni Din Ki Wohi Taron Bhari Raat Wohi
Aaj Hum Ko Nazar Aati Hai Har Baat Wohi

Aasman Badla Hai Afsoos, Na Badli Hai Zameen
Aik Hindsay Ka Badalna Koi Jiddat To Nahi

Aglay Barson Ki Tarah Hongay Qareenay Teray
Kisay Maloom Nahi Barah Mahinay Teray

Junuary, February Or March Mein Paray Sardee
Or April, May, June Mein Hogee Garmee

Tera Mun Dehar Mein Kuch Khoye Ga Kuch Paye Ga
Apni Miyad Basar Karkay Chala Jaye Ga

Tu Naya Hai To Dikha Subah Nayi, Shaam Nayi
Warna In Aankhon Nay Dekhay Hain Naye Saal Kayi

Be-Sabab Daitay Hain Kiun Log Mubarakbadain
Ghaliban Bhool Gaye Waqt Ki Karwi Yaadain

Teri Aamad Say Ghati Umer, Jahan Mein Sub Ki
Faiz Nay Likhi Hai Yeh Nazam Niralay Dhab Ki…

Nazm Pesh-E-Khidmat Hey

Rahul — Sat, 17 Oct 2009 19:26:41 +0000

Nazm Pesh-E-Khidmat Hey
By:Parveeen Shakir

Tooti hey meri neend magar tumko is say kya
Bajtey rahey hawaon say dar magar tumko is say kya

Tum Mauj Mauj Misl-E-Saba* Ghumtey Raho
Kat jaye meri soch key par tumko is say kya

Aouron ka haath thaamon Unhey Raasta dikhao
mei Bhool Jaoun Apna He Ghar TumKo Is say kya

Abr-E-Gurezpan* Ko barasney say kya garaz
Seepi mein ban na Paaye GAuhar* Tum Ko is say kya

ley jaayen mujhko maal-e-ganimat key saath uduu*
Tumney tau daal di hey sipper* tum ko is say kya

Tumney TAu Thak Kar Dasht* Mei Kheimey Laga liye
Tanha Katey kisi ka safar tumko is say kya

Meanings:
*Misl-E-Saba=Purwayi Ki tarah , *Abr-E-Gurezpa=Bhagodey baadal,*Gauhar=Moti
*Maal-E-Ganimat=Loot ka maal , *Dasht=Medaan , *Sipper=Dhaal

Shamsher Afridi

Shhh! koi sunn na lai unkahi baatain ..Nazm by Maaheen.

Rahul — Tue, 07 Apr 2009 19:52:28 +0000

koi Su’nn na lai unkahi baatain..

Zindagi ko na chairro…ro dey gi…
jab yai roey gi tou merey dil ki aawaz
Sunaai dai gi, jaisey koi ghum ka saaz
aur yun merey ehsaas mai samaey gi,
Yaad yun aaien gi wo sab guzri baatein
har beet_ta pal apney aap main kho ker
thora mujh se qareeb, thora door ho ker
mujh sai apnay anjaan honay ka
gila karay ga

Ehsaas hoga…
kay, aankhon kay yai aansoo..
ye meri hasratein, ye justujoo
bai naam nahi hain,
muntashir in mai haein guzri baatein
wo beeta pal wo guzra huwa kal
kabhi kabhi anjaaney sapnon ki raah sajaey
apni nazrain chupaata huwa…..
mujh ko anjaan nazroon sai dekhta jaey..

Ehsaas hoga…
kay, ird gird kay log…
kuch aisay guzertay hain merey paas sai..
kay main koi jism nahi, ek saya hoon
aik aisa aks hoon jis ka koi wujood nahi!
mujh mai koi mojood nahi

Aik tarap hai…..
unkahi si….
aik khalish hai…
Dabi dabi si
jis kay ehsaas ka koi naam nahin
aik rog hai…
ba zahir koi zakhm nahin…
aik soag hai …aik ahh si hai…
jis ki apni koi Aawaaz nahin…
raaz aisa hoon mai ke jiska koi
hamsukhan, hamnafas hamraz nahi

Kis say kahoon ?
kis kis ko samjhaoon…
kay aur ronay ko dil ab nahi kerta…
koi laikin kiya jaaney, kiya samjhey..
kay inn aankhon sai na janey
kabhi kabhi.. kitney aansoo barastey hain…
Or yai dil tou….
aksar hi aasooda-e-gham rehta hai…

Woh jatey jatey Aankhon mai sapney saja gaya
Goya baghair saans kai jeena sikha gaya.
Mahheen.