Dil par nahin hota kaaboo kisika
Dil kho jaaye to kya kare …
Dheeme se koi jaadoo chal jaaye
Aur pyar ho jaaye to kya kare?

Haule haule madham madham
Chaahaton ke silsile shuru hote hain
Is chaahat ko jo koi na rok paaye
Aur pyar ho jaaye to kya kare?

Kehte hain log ki pyar na karna
Pyar mein log deewane ho jaate hain
Lekin yeh deewangi hi jo lubhaane lage
Aur pyar ho jaaye to kya kare?

Madhhoshi mein dil ko paaya
Aur davaa na koi kaam aayee
Lekin madhhoshi ko jo koi manzil samjhe
Aur pyar ho jaaye to kya kare?

Dil ke darwaaje band liye hain
Ki dil mein na koi bas jaaye
Lekin yeh dil hi jo na rahe apna
Aur pyar ho jaaye to kya kare?

Samjhe to hain bahut kuch samajhna
Lekin jazbaaton ki hain kahan wajaah koi
Bewajaah jo koi bhaane lage
Aur pyar ho jaaye to kya kare?

Daavaa to hum bhi kar sakte hain
Ki pyar nahin karenge hum
Par pyar par kahan chalta hain zor kisika
Jo pyar ho jaaye to kya kare?

Chaliye, pyar se bekhabar ho jaate hain hum
Pyar nahin hume yeh soch lete hain hum
Lekin gar pyar basa rahe dil mein
To is pyar ka hum kya kare?

Bhoolne ko to hum pyar ko bhool jaaye
Pyar ke saath dekhe har khwab ko bhool jaaye
Lekin dil par kahan chalta hain zor kisika
Is dil ka kaho hum kya kare?

Dil par nahin chalta zor kisika
Dil kho gaya humaara ab hum kya kare
Dheeme se koi jaadoo chal gaya
Aur pyar ho gaya ab hum kya kare???

Avani

Related Posts with Thumbnails